2021 – Gianna Olinda Cadonau
Che sa litteratura?

che sa litteratura?
dimena,
la litteratura
tschel di d’eir’la mantunada
üna muntogna immezza via
glüschaiv’ün pa
ingün nun ha pudü passar
hast vis
alch es capità
là dadaint nu’s cumport’la mai uschè
chi’s gniss landroura
qualchosa rumura
intant sarà’la svanida
eu nu sa eu nu sun
plü là
uossa che far
perquai ch’ella sa
tuot in ün möd o tschel
tuot ils verbs chi dà
substantivs adjectivs pronoms e
tuot tschels eir che far
eir no savain
tuot in ün möd o tschel scrivond
pussanza extasa
dieu per exaimpel
ma bain
perquai ch’ella sa tuot
fetscha meglder
da tuornar in meis quadern
là saja
sgrommar ün zich
forza da meis eroe
surdorar dal tuot
mas eroinas
là nu sa’la tuot
l’es pitschna gronda
sco’na chasa il plü da tuot
sco duos gods
i basta
per mai e vo
pigliaivat uschè
o uschè quant cha vo laivat
eu sa no eschan
tuots inguords
malapaina sadulats
la saira maindir la not
lura forsa s’alvaint’la
our dals cudeschs ed apparats
s’metta sün no chatscha
in noss sömmis
ans chatscha vers
la glüm o l’abiss o
rapischa o salva
ans respira
vi pel di ün esser immens
davo tuot quai cha no
dschain vezzain scrivain
da not gir’la
per quai suot rusigna
qua e là ans lascha
stizis sü süur
petals parasits
sün palperi e paraids
i creschan müts
fan sumbriva
eu suotaint
pigl quist
qua pigliai
conquist darcheu ma chà
illa glüm sblacha da la daman
meis quadern in man