Las «Chartas al giat» èn ina correspundenza commovent-surreala nua che differents persunagis entran en contact vicendaivel. Raschun per las brevs è il min Pépin ch’è sparì, ina situaziun che na lascha betg indifferent. En dudesch brevs ans vegn dà in tractat scharmant, plain umor ed amur, davart vistas da cumià e nova vita. I gartegia al translatur Jachen Andry en furma sublima da chattar il register adattà per mintga speditur*a. La lingua da las brevs reflectescha la persunalitad da quel u quella che la scriva.